Семей 15.02 «Semeyainasy» – Ауған жерінен Кеңес әскерінің шығарылғанына биыл 29 жыл толып отыр. Кейбір дереккөздерге сенсек, соғысқа 20 мыңға жуық қазақстандық қатысқан. Осыған орай бүгін, яғни 15 ақпан күні ел көлемінде ауған соғысына қатысушыларды еске алу салтанаты өтуде.
Соғыс аяқталғанда елге оралған ардагерлер мен жауынгерлердің туған-туыстары жыл сайын Ауғаныстанға барып, боздақтар мен соғыста мерт болған жауынгерлерді еске алады. Қаламызда да дәстүрлі түрде жыл сайын соғыстан оралмаған 46 жауынгерге құрмет көрсету салтанатын өтеді.
-Жыл сайын Қазақстанда осы дата аталып өтеді. 15 ақпан – елге оралмаған жауынгерледі еске алу күні. Олар ен қымбат нәрсені, яғни өз өмірлерін берді. Ауған соғысына қатысушыларының ата-аналарына бас иеміз. Ешкім де ешқашан ұмытылмайды. Жастарыңызға, денсаулықтарыңызға қарамастан жыл сайын қатардан қалмай келіп отырғандарыңызға алғысым шексіз, – деді «Ауған соғысы ардагерлері мен мүгедектері» қоғамдық бірлестігінің төрағасы Боранбай Бегатов.
Асель Қайырбекова

 473 всего,  6