Семей.25.10. “Semeyainasy” – Семей қаласындағы төрт сот төрағасының қызмет мансаптары жоғарылады. Елбасының 2017 жылғы 20 қазандағы №564 жарлығына сәйкес ШҚО Семей қалалық сотының төрағасы Төленді Тілеужанұлы Қасымов ШҚО мамандандырылған ауданаралық экономикалық сот төрағасы, Семей гарнизонының әскери сотының төрағасы Асқарбек Жүнісбекұлы Жүнісбеков Өскемен гарнизонының әскери сотының төрағасы, ШҚО №2 кәмелетке толмағандардың істері жөніндегі мамандандырылған ауданаралық сот төрағасы Ақпар Ринат Миратұлы Алматы облысы Талдықорған гарнизонының әскери сот төрағасы лауазымдарына тағайындалды. Сондай-ақ ШҚО Семей қаласының №2 сотының төрағасы Дәулетбек Бұлғынбаев Бахтиярұлы ШҚО Өскемен қаласының мамандандырылған әкімшілік сотының төрағасы қызметіне жайғасты.
Өскемен гарнизонының әскери сотының төрағасы Асқарбек Жүнісбеков:

– Елбасы Жарлығына сәйкес 2002 және 2007 жылдары Семей қаласының №2 сотының төрағасы болып сайландым. 2008 жылдан бастап Семей гарнизоны әскери сотының төрағасы лауазымын атқарып келдім. Осы уақытқа дейін Елбасы жарлығымен Семей қаласына 4 рет төраға болып тағайындалыппын. Енді Өскемен қаласына кетіп барамын. Семей жұртшылығына, қала әкімдігіне өз ризашылығымды білдіремін. Елбасы сенімін ақтап, заң саласында қажырлы еңбегімізді жемісті жалғастырамын деп сенім білдіремін.

Айзада Сламбаева

 501 всего,  12