Семей.03.10.”Semey Ainasy” – Жақсы дәстүр бойынша Халықаралық қарттар күнінде кылмыстык-атқару жүйесінің жас қызметкерлерінің балалары ардагерлерді Қарттар күнімен құттықтады.

Ардагерлерді 21 мекеме бастығының орынбасары әділет подполковнигі Д.Биғазиев құттықтап, барлық қылмыстық-атқару жүйесінің ардагерлеріне қажырлы еңбектері үшін, жүйенің қалыптасуы мен дамуына қосқан үлестері үшін алғысын білдіріп, оларға зор денсаулық, болашаққа деген сенімдеріне қажымас қайрат тіледі. Ардагерлерге мекемедегі жас қызметкерлердің балалары «кішкентай полицейлер» де келді. Жылы тақпақтар оқып, сыйлықтар беріп, денсаулық, көтеріңкі көңіл күй тіледі. Ардагерлер сөзді қызығушылықпен тыңдап, өз ойларын ортаға салды.

Бұл акцияның мақсаты – балалардың бойында адамдарға деген қамқорлық, мейірімділік, жанашырлық, үлкендерге көмек көрсетуге деген құштарлық пен құрметті тәрбиелеу. Ардагерлеріміздің еңбегі келешек ұрпаққа өнеге екенін сезіндіру.

 576 всего,  3