Семей. 27.12. “Semeyainasy” – Қараңғыда жолдың нашар көрінуі және жылдамдық режимін сақтамау жиі жол-көлік оқиғаларына әкеп соқтырады. Мүлде жарық жоқ көшеде жаяу жүргіншілерді басып кеткен жағдайлар да тіркелді.
Қазір жол полициясы бекетінен Мичурин көшесіндегі өткелге дейінгі ұзындығы 3 шақырым болатын көше түгелдей жарықтандыруға қосылды. Барлығы 97 тірек, 97 кронштейн және 145 шам орнатылды.
«Мен бұл көшені үнемі тексеріп, жұмыс барысын бақылауда ұстадым. Бұрын бұл көшеде ешқашан жарық болмаған. Морозов көшесі өте кең екенін ескере отырып, біз шамдар бекітілген кронштейндердің биіктігін екі жарым метрге көтердік. Нәтижесінде, осындай биіктіктен көше біркелкі жарықтандырылады, жарық сәулелері көбірек кеңістікті қамтиды”, – деді Семей қаласының әкімі тұрғындардың бастамашыл тобымен кездесуде.
Жиында Семей қаласының әкімі тұрғындардың алғыс сөздерін де, басқа да мәселелерді шешуге деген өтініштерін де тыңдады. Мәселен, Восточная көшесі Морозов көшесімен іргелес.Ұзындығы бойынша кішкентай болғанымен, бірақ көше бойында ең ірі жергілікті орта арнаулы оқу орындарының бірі Электротехникалық колледж орналасқан. Мұнда студенттер көп оқиды, сабақтан кейін олар үйге қараңғыда қайтады.
«Мен сіздерді өте жақсы түсінемін. Бұл ата-аналарға көп алаңдаушылық тудырады, себебі аталған көшеде Электротехникалық колледж орналасқандықтан, сабақтан балалар үйге кеш оралады. Жақын арада біз бұл көшені жарықтандыруға қосуға тырысамыз, бұл көп шығынды қажет етпейді. Ол үшін 5 тірек, кронштейн және шамдарды орнату қажет.- деді Семей қаласының әкімі Бақытжан Байахметов.
Сондай-ақ, тұрғындар әкімнен бірнеше іргелес жолдарды жөндеуді сұрады. Олардың айтуынша, көктем мен күздің басталуымен мұнда батпақ пайда болады, соның салдарынан әлеуметтік қызметтер, соның ішінде жедел жәрдем көліктері үйлеріне дейін жете алмайды.
Сондай-ақ, қала тұрғындары бір-бірінен алшақ, жетуі қиын аялдамалар бойынша әкімнен көмек сұрады.
Тұрғындар тұрғылықты жерлерінен алыс орналасқан су құдықтарының жетіспеушілігін атап өтті.
Бақытжан Байахметов барлық айтылған мәселелерді ағымдағы және алдағы жылға арналған жоспарлар тізіміне енгізуге уәде берді. Айта кететіні, тұрғындар өтінішінің біреуі дер кезінде орындалуда. Восточная көшесінде орналасқан электротехникалық колледжінің алдындағы жарықтандыру жұмыстары басталып та кетті.
Semeyainasy.media
791 всего, 12