Семей. 22.12. “Semeyainasy” – Семейде Неке Сарайында «Жыл таңдауы – 2021» жастар сыйлығын табыстау салтанаты өтті. Марапаттау он номинация бойынша өтті. Ұйымдастырушылардың айтуларынша, биылғы жылы жеңімпаздар он номинация бойынша, мысалға, «Үздік студент», «Үздік журналист» және «Үздік отбасы» тағы да басқа номинациялар бойынша марапатталды.

–           Іс-шара қалалық ішкі саясат бөлімінің қолдауымен өтуде. Оның мақсаты – биылғы жылы түрлі салаларда үздік нәтиже көрсеткен жастар өкілдерін марапаттау. Биылғы жылы қала әкімінің сыйлығына 50 сұраным түсті. Жеңімпаздар дауыс беру арқылы, комиссия шешімімен анықталды, – деді Семей қалалық жастар ресурстық орталығының басшысы Олжас Соғымбай.

Сонымен қатар қатысушылардың өздері де шараның маңызды екенін айтып өтті. Бұл жастарды жаңа жетістіктерге ұмтылуларына ынталандырады.

–           Мен Қазақстан колледждері студенттерінің ТОП-100-гі қатарына кірдім. Бұл байқауға елімізден 500 мың студент қатысты. Әр өңірден 10 студент ұсынылды, жалпы 100 студент іріктеліп алынды. Дауыс беру әлеуметтік желілері арқылы жүргізілді, – деді көлік колледжінің студенті Ризат Мұратов.

Жеңімпаздар ақшалай сыйлықпен марапатталды. Марапаттарды қала әкімі Бақытжан Байахметовтың өзі табыстады.

Семей қаласындағы ақпараттық орталығы

 1,842 всего,  12