Семей. 09.07. “Semeyainasy” – Мемлекет басшысының бастамасымен елімізде адамгершілік құндылықтарды жаңғыртуға және отбасы мен некенің жарқын көрінісін насихаттауға бағытталған жыл сайынғы “Мерейлі отбасы” байқауы өткізіліп келеді
Байқауға қатысушылар қатарында еліміздің барлық өңірлерінен келген үздік отбасылар бар. Бүгін Семейде байқаудың қалалық кезеңінің жеңімпаздары марапатталды. Салтанатты рәсім Абай атындағы кітапханада өтті.
– “Мерейлі отбасы” – бұл жыл сайын өткізілетін отбасы құндылықтарын насихаттауға мүмкіндік беретін байқау. Биыл, өкінішке орай, эпидемиологиялық жағдайға байланысты конкурс тар шеңберде өтті. Барлығы онлайн режимінде өтті. Бүгін біз үлгі ететін алты отбасын жинадық. Бұл отбасылық құндылықтар мен негіздерді өздерінің үлгісімен насихаттайтын отбасылар, – дейді “Отбасы Орталығы” ҚҚ президенті Жанна Жибраева.
Байқау аясында қатысушылар қазылар алқасына өз отбасылары туралы бейне роликтерін ұсынып, отбасылық шығармашылығымен бөлісті. Байқаудың қалалық кезеңінің жеңімпаздары жеті баланы тәрбиелеп отырған Марина мен Алтай Темірхановтардың отбасы болды. Енді олар облыстық кезеңге дайындалатын болады.
– Мен патронат тәрбиешімін. Сонымен қатар, біздің жұбайымыз екеуміздің отбасылық бизнесіміз бар. Біз үйлер мен пәтерлерді әрлеумен айналысамыз. Сонымен қатар, балаларға көп уақыт бөлеміз, қала өміріне белсенді қатысуға тырысамыз. Мен мектептің ата-аналар комитетінің төрағасымын. Отбасымызбен қарттар үйіне барып, қолдан келгенше көмек көрсетеміз. Біздің жеті баламыз бар. Үлкеніміз 22 жаста, кіші баламыз бір жаста. Бұл байқаудың облыстық кезеңінде қаламыздың атынан өнер көрсету үлкен құрмет. Баршаңызға алғыс айтқым келеді, – дейді Марина Темірханова.
Байқаудың республикалық кезеңінің жеңімпаздары қыркүйек айында Отбасы күні қарсаңында жарияланады.
Semeyainasy.media
3,179 всего, 3