Семей.15.03.”Semeyainasy” – Наурыз қарсаңында Семей балабақшалары мерекелік ертеңгіліктер өткізуде . Қаланың мектепке дейінгі мекемелеріне алғаш рет Қыдыр ата келді. Ол балаларды келе жатқан мерекемен құттықтап, бүлдіршіндерге өз батасын берді,деп хабарлайды қалалық ақпарат орталығы.

– Балалар Қыдыр атаға өте қуанады, – деді қалалық мәдениет және тілдерді дамыту бөлімінің басшысы Назерке Аққожина. – Ертеңгіліктер қызықты әрі танымды өтуде. Қыдыр ата балаларға наурыз туралы , шашу мен бата сияқты қазақ әдет-ғұрыптары жайлы әңгімелейді. Көптеген балалар Қыдыр ата мен салт-дәстүрлер туралы жақсы білетіні бізді қуантты.

Қыдыр ата күніне екі балабақшаға барады. Жалпы 21 наурызға дейін 20 мектепке дейінгі мекемелені қамту жоспарлануда. Қыдыр атаның рөлін қаланың қоғамдық өміріне белсенді қатысатын зейнеткерлер ойнайды.

Естеріңізге сала кетейік, биыл Семейде Наурыз тойы бір аптаға созылады. Ұлыстың ұлы күні наурыздың 14- де Ертістің жағасында басталып, 21- не дейін жалғасады. Ал 22 наурыз күні көктем мерекесі қаланың 5 алаңында тойланады. Дәстүр бойынша басты жиындар орталық алаңда өтпек .

 925 всего,  6