Семей.02.11. «Semeyainasy» — Семей қаласының №10 орта мектебінде «Рухани жаңғыру» бағдарламасы шеңберінде «Менің мектебім» жобасы жүзеге асырылады. Бұл туралы қаламыздағы білім беру мекемелерінің басшылары мен ішкі саясат бөлімінің басшысы Айдар Садырбаевтың қатысуымен өткен дөңгелек үстел барысында талқыланды.

«Білім саласында жүргенен кейін біз балаларға білім ғана емес тәрбие де беруіміз керек. Тәрбиенің тал бесігі халықтың салт-дәстүрінде жатыр. Білімде, ғылымда, еңбекте белгілі бір табысқа жеткен түлектеріміздің игі істерін оқушыларға үлгі етсек деген ойымыз бар», – дейді Семей қаласының Шәкәрім атындағы облыстық дарынды балаларға арналған үш тілде оқытатын мамандандырылған мектептің директоры Алма Аубакирова.

Жоба аясында оқу орнын бітіріп, қазіргі күні өз ісін дөңгелетіп отырған табысты кәсіпкерлер тарапынан колледждер мен мектептердің химия, физика, биология сынды кабинеттері заманауи техникалармен жабдықталатын болады.

Асель Қайырбекова

 758 всего,  3